Canfranc-eko kilometro bertikala aspalditik zuela “begiz jota” aitortu du Iñigo Larizek. 3,8 kilometroko ibilbidean 1.110 metro igo behar zituzten parte hartzaileek, hau da, %29ko batez besteko pendiza gainditu behar zuten. Aldapa pikoez gainera, badu beste zailtasun bat Canfranc-eko probak: garaiera. Itsasmailatik 1.330 metrotara dagoen Col de Ladronesetik irteten dira parte hartzaileak eta 2.449 metroko garaierara dagoen El Porte-ko gailurrean dago helmuga. “Ezaugarriok ikusita ez zen zaila asmatzen lasterketa gogorra izango zela”, adierazi du Larizek. Eta halaxe izan zen. Gainera, eguraldiak ez zuen batere lagundu. “Eguraldi eskasa izan genuen hasieratik bukaerara. Irteeran 11 gradu eta euria. Helmugan, berriz, ia ia elurra. Mendian horrenbeste erabiltzen den ISO 0-a 2600 metroan ezarri zuten eta gu 2450 metrora iritsi ginen. Hotz egiten zuen benetan baina nik nahiago izaten dut horrelako giroa bero zapa baino”.
|
|
Guztira 39 lagun batu ziren irteeran. Korrikalari gutxi baina izen eta kalitate handikoak. Erlojuaren aurka egin zuten lasterketa, banan-banan irtenda minutu bateko aldeaz. “Irteeren hurrenkera zozketa bidez antolatu zen eta ondorioz ezinezkoa zen besteen erreferentzia izatea”, argitu du Larizek. Alabaina, erreferentziarik gabe ere primeran moldatu zen korrikalari elgoibartarra, eta berak egin zuen guztien artean denborarik onena: 46 minutu eta 18 segundo. Kiko Navarro Aragoiko korrikalaria sailkatu zen bigarren postuan, Larizengandik 26 segundora. Wilfred Jumere frantziarra sailkatu zen hirugarren postuan (46:51).
“Oso lasterketa polita iruditu zitzaidan, mendi-mendikoa eta ederki gozatu nuen lainoek inguruko mendien ikuspegia estali baziguten ere”, esan du Larizek.
•Anbotoko kilometro bertikala, urriaren 12an
Larizen hurrengo erronka Open Lafuma Euskal Herriko Bertikalen Zirkuitoko hirugarren eta azken proba, VI. Anboto Kilometro Bertikala, izango da, urriaren 12an. Orain arte lortutako emaitzei erreparatuz gero, iaz lortu zuen tituluari eusteko aukera handiak ditu. Lehren bi probak jokatu eta gero bera da zirkuituko liderra.
Larizen hurrengo erronka Open Lafuma Euskal Herriko Bertikalen Zirkuitoko hirugarren eta azken proba, VI. Anboto Kilometro Bertikala, izango da, urriaren 12an. Orain arte lortutako emaitzei erreparatuz gero, iaz lortu zuen tituluari eusteko aukera handiak ditu. Lehren bi probak jokatu eta gero bera da zirkuituko liderra.
- Irakurri hemen: Iñigo Larizek Ibilkarian, Berria.inforen mendiari buruzko kanalean, Canfranc-eko probaren inguruan idatzi duen kronika
- Iñigo Lariz……………. 46:18
- Kiko Navarro…………. 46:44
- Wilfrid Jumere………… 46:51
- Pilar Prades…………… 1:01:07
- Mari Cruz Aragón……… 1:01:25
- Berta Perez……………. 1:03:48
∞Lotura duten albisteak:
- Bigarren postua Larizentzat eta Maiorarentzat Uharte Arakil-Beriango Kilometro Bertikalean (2013-09-24)
- Lariz eta Maiora nagusi Collaradako kilometro bertikal bikoitzean (2013-07-08)
- Garaipena eta errekorra Iñigo Larizentzat Fuente Dé-ko kilometro bertikalean (2013-06-10)
- Iñigo Larizek irabazi du Zuzenien Mendi Lasterketa Bertikala (2013-03-04)
- Igoera bertikalen zirkuitua irabazi du Iñigo Larizek (2012-10-08)
- Bertikalen Zirkuituko liderra da Lariz, Txindokin bigarren egin ostean (2012-06-19)
- Bigarren postuan sailkatu da Iñigo Lariz Azpeitiko Zuzenien mendi lasterketa bertikalean (2012-03-05)