Herrira mugimenduaren aurka burututako polizia operazioaren “bidegabekeria” salatzeko plazetan eta lantegietan biltzeko proposatu zuten ELA, LAB, ESK, EILAS, EHNE, Hiru, CGT eta CNT sindikatuek. Elgoibarren udaletxe aurrean egin dute bilkura, 12:00etatik 12:30era bitartean. Lantokietan ere izan du erantzuna lanuzterako deiak. Hala, Etxepe aurrean batu dira zenbait langile. Era berean, Danobateko langile talde batek ere bat egin du mobilizazioekin eta hamar bat minutuko elkarretaratzea egin dute, 8:00etan, lantokiaren sarreran. Herrira mugimenduaren aurkako operazioaren kontra eta atxilotuei babesa erakusteko asmoz batu direla jakinarazi dute.
|
|
•Elkarretaratzea Mendaron
Mendaron ere elkarretaratzera deitu dute gaurko (urriak 4), Herrira aurrera! Eskubide eta askatasunen defentsan lelopean (19:00etan Mendarozabal plazan). Bihar, bestalde, manifestazioa egingo dute Bilbon. Elgoibartik autobusez joateko aukera egongo da.