Aurreko diskoko oinarri berdina dauka Napoka Iriaren bigarren lan luzeak, baina Gorka Bereziartua kazetariak aurkezpen orrian jaso duenez, interbalo txikiagotan dabiltza melodiak, eta sakabanatua dago lehen kanten puntu jakinetan kontzentratzen zuten tentsioa. Bereziartuak dio oro har indiefolk soinurantz lerratu direla azkeneko lan honetan.
Diskoa zortzi kantuk osatzen dute, eta 30 minutu ingurukoa da. Narbaiza eta Mujikaren gitarrez gain, instrumentu asko erabili dituzte. Felix Buff, Ibai Gogortza eta Iban Urizar elgoibartarra izan dira joste lanetako arduradunak.
- ENTZUN DISKOA: napokairia.bandcamp.com webgunean entzun daiteke osorik Arnasten ikasteko berriz diskoa
- Ondorengo kontzertuak, Donostian (urriak 11), Tolosan Markinan, Gasteizen eta Beran emango dituzte.