Hizkuntza-kudeaketa enpresan: 30+10 mintegia antolatu du IMHk asteazkenerako

elgoibarren.net 2013ko urr. 21a, 11:09
Deskargatu Info Ahotsak :
Español English Français Català Galego

Enpresa eta erakundeentzat baliagarriak izan daitezkeen euskarazko zerbitzu eta esperientziak azalduko dituzte urriaren 23an IMHn, zortzigarren urtez jarraian antolatu duten 30+10 mintegian. Horretarako, sei hitzaldi, tailer bat eta bi mahai-inguru antolatu dituzte. Horietan, besteak beste, honako galderei erantzun bat ematen saiatuko dira: Ba al du merkaturik marka eta euskara lotzen dituen enpresak?, zenbat bezero potentzial ditu euskalduntasuna agerian duen produktuak?...

 
 Enpresa, ikastetxe eta erakundeentzat baliagarriak izan daitezkeen zerbitzuen, baliabideen eta esperientzien trukaketa bat izango da, azken batean, 30+10 mintegia. 9:00etan hasiko da ekitaldia, Joxean Egaña IMHko zuzendariaren, Alfredo Etxeberria Elgoibarko alkatearen, eta Zigor Etxeburua Gipuzkoako Euskara Zuzendariaren ongi-etorri hitzaldiekin.

1706637276735 Hizkuntza-kudeaketa enpresan: 30+10 mintegia antolatu du IMHk asteazkenerako

Ondoren, Lanbide Heziketa eta euskara gaia landuko dute Ahize-AEKko arduradunek. Estiñe Astorkia Artezekoak Gasteizko esperientzia bat ekarriko du gero. Bezeroen fidelizaziorako euskarak Gasteizen izan duen balioaz jardungo du Astorkiak. Proiektu berritzaileen berri ere emango dute. Banaiz Bagara Elkarteko Petra Elserrek, esaterako, lanaren bidez euskara ikasteko aukerez jardungo du, eta Haritz Goikoetxea Emun hizkuntza zerbitzuko euskara teknikariak enpresetan euskararen ahozko erabilera neurtzeko eta horretan eragiteko bideak azalduko ditu.

•Euskara, markaren osagai
  Hizkuntza minorizatua da gurea, eta ingurune eleanitzetan lanean jarduteko ditugun tresnak aurkeztuko dituzte Elhuyar Fundazioko Maddi Etxebarriak eta Igor Leturiak. Horren harira, atzerrian lanean ari diren euskal enpresen esperientziaz jardungo dute AFMko Mikel Artola elgoibartarrak, Fagor Automotioneko Rafa Aranzabalek eta Ona Electroerosioneko Sergio Ruiz de Larreak mahai-inguruan. Eguneko azkena ere mahai ingurua izango da. Basque brand edo euskalduntasunaren markaz arituko dira markaren osagai nagusia euskalduntasuna duten enpresetako ordezkariekin. Euskal Herria Esnea, Ternua eta AZK-Taldeko ordezkariek nork bere esperientzia azalduko dute. Argiako kazetari Onintza Iruretak dinamizatutako du saioa. Antolatzaileek jakinarazi dute hitzaldietara joateko aurrez eman behar dela izena, 943 744 132 telefono zenbakira deituta edota imh@imh.es helbidera idatzita.
Euskara Elgoibar