Hileko azken zapatuko feria egingo dute urriaren 26an. Ohiko legez, goizean goizetik Elgoibarko baserrietako produktuak erosteko aukera egongo da, eta 12:00etatik aurrera Elgoibarko Danborrada antolatzen duen Atabal taldeko kideek herriko baserri eta harategietako produktuekin eginiko pintxoak salduko dituzte, euro batean, Kalebarren plazan.
•Ikasi eta jan
11:30etik 12:00etara, berriz, sukaldaritza tailerra eskainiko du Josu Mugertzak. Belaustegi jatetxeko ugazabak eta sukaldariak errezeta bat prestatuko du, sasoiko produktuekin baserriko produktuek eskaintzen dituzten aukerak ezagutzera emateko. Errezeta “xume eta diskretua, eta, aldi berean, fina eta dotorea” prestatu duela aurreratu du Mugerzak: “Ahuntz-gaztatxoa tipula karamelutuarekin, oliba olioarekin, sesamoarekin eta eztiarekin”. Gainera, 12:00etatik aurrera, Mugertzak prestatutako pintxoak dastatzeko aukera izango dute feriara hurbiltzen direnek. Hori bai, pintxoa dastatu ahal izateko ezinbestekoa izango da baserritarren saltokietan erosketaren bat egitea. Erosketa bakoitzeko, txartel bat eskuratuko da.
- Urriko feriako egitaraua (PDF)
∞Lotura duten albisteak:
- Belaustegi jatetxeko Josu Mugerza, 'Txoriene' telebista saioko protagonista (2013-05-28)
- Kontsumo iraunkorraren eta arduratsuaren hirugarren feria egingo dute zapatuan (2012-11-20)