Behobia-Donostia lasterketan parte hartu nahi duten elgoibartar eta mendaroarrek, eta, estreinakoz, horien lagun eta senideek, autobusean joateko aukera izango dute Mintxeta Atletismo Taldeak, Udal Kirol Patronatuaren laguntzaz antolatu duten autobusean. Patronatuko bazkideek hamar euro ordaindu behar dituzte, eta gainerakoek 12 euro. Azaroaren 9rako eman behar da izena mintxeta@mintxeta.com helbidean. Eguerdiko 12:00etan itxiko dute izena emateko epea.
•Autobusa 8:00etan
Domeka goizean irtengo den autobusaren irteera ordua aurreratu behar izan dutela ohartarazi dute Mintxetakoek. “Behobia-Donostiako antolatzaileek motxilak lagatzeko ordua aurreratu dutenez, autobusaren irteera ordua 8:00etara aurreratu dugu”, azaldu dute.
•Elgoibartarren eta mendaroarren partaidetza urtez-urte:
- Informazio osoagoa: behobia-sansebastian.com
∞Lotura duten albisteak:
- Alberto Revuelta: "Okerrik ezean, Behobia-Donostiako podiumera igotzeko aukera izango dut” (2012-11-13)