Elgoibarko Gotzon Garate Udal Liburutegiak irakurketa sustatzeko zenbait jarduera jarri ditu abian azken aldian. Horietako bat da Epelean, euskaraz irakurtzeko zaletasuna sustatzeko literatur tailerra. Helburua da euskaldunek euskaraz irakurtzeko duten beldurra galtzea. “Danele Sarriugartek, dudarik gabe, liluratuko gaituzten liburuak proposatuko dizkigu”, jakinarazi dute antolatzaileek. Taldea osatzeko bilera bat deitu dute azaroaren 15erako, barixakua. 18:00etan batuko dira liburutegian. Gero, literatur saioak hilean behin izango direla aurreratu dute, astelehenero, 18:00etan, hain zuzen ere.
•“Irakurketa erraza” sustatzeko ekimena
Irakurketa edo ulermen zailtasunak dituzten pertsonei laguntzeko asmoz, Irakurketa erraza izeneko ekimena jarri du abian Gotzon Garate liburutegiak. “Ez da metodo bat”, argitu dute, irakurketa edo ulermen zailtasunak dituzten pertsonei zuzendutako “formatu bat”, baizik. Dagoeneko sortu dute estreinako kluba, eta Eguneko Zentroan jarri dute martxan. Aurrerago beste kolektibo batzuetara zabaltzeko asmoa dute.
•Hizkuntzen trukerako saioak, liburutegian
