Abenduaren 15ean ospatuko den Euskal Herriko Bertsolari Txapelketa Nagusiko finalerako sarrerak dituzte salgai Elgoibarko Izarra elkartean, eta hasiera batean azaroaren 29ra arte sarrerak erosteko aukera zegoela jakinarazi zuten arren, ez da horrela izango.
Euskal Herri mailan sarreren salmenta izaten ari den arrakasta ikusita Bertsozale Elkarteak saltzeke dauden sarrerak erretiratzen eskatu dio Elgoibarko Izarrari. Beraz, bihar (azaroak 8) arteko epea daukazue oraindik sarrerarik erosi ez duzuenok. Azkar ibiltzea komeni.
•Sarrerak eta prezioak
- Finalerako sarrera: 30 euro. Bertsozale elkarteko bazkideen (21 €) eta gazteen (6 €) sarrerarik ez dauka Elgoibarko Izarrak. Horiek www.bertsozale.com, www.bertsosarrerak.eu edo takilan erosi behar dira. Autobusa: 13 euro. Txankakuako geltokitik irtengo da autobusa. Bazkaria: 18 euro. Edozein zalantza argitzeko idatzi elgoibarkoizarra@elgoibarkoizarra.com helbidera edo 943 741 626 telefonora hots egin.
∞Lotura duten albisteak: