Gaur hasiko dira Santa Zeziliaren omenezko ekitaldiak

elgoibarren.net 2013ko aza. 21a, 14:37
Deskargatu Info Ahotsak :
es en fr

Urtero legez, musikarien zaindariaren omenez hainbat ekitaldi antolatu dituzte Elgoibarren. Gaur, hilak 21, Inazio Bereziartua musika eta dantza eskolako ikasleak kalejiran irtengo dira 18:45ean, eta ondoren, 19:30ean kontzertua eskainiko dute musika eskolan bertan. Bihar, berriz, Elgoibar Ikastolako umeak irtengo dira kalera, Santa Zeziliaren omenez.

 

Elgoibar Ikastolakoen kalejira, 2012an.

Ikastolako ikasleak 8:30ean batuko dira bihar (azaroak 22) Kalegoen plazan eta handik ikastolara arteko bidea egingo dute, instrumentuak joaz.
  Zapatuan, berriz, Udal Musika Bandako hildako musikarien omenezko meza izango dute, 19:00etan, San Bartolome parrokian, eta etzi kontzertu berezia eskainiko du Udal Musika Bandak, Herriko Antzokian (12:30). Bost pieza joko dituzte: S.loperen Valencia pasodoblea, Demerssemanen Fantasia para saxo alto, A.Borodinen El Principe Igor, N.Iwairen American graphity eta J.P. Moncayoren Huapango.
 
 
 
 
Kultura Elgoibar