Azken aldian behin baino gehiagotan tokatu zaigu Deba ibaiko urak gainezka ikustea Elgoibar eta Mendaro parean; joan den urtarrilean edo 2011ko azaroan gertatu zen moduan, adibidez. Oraingoan ere hazita datoz Deba ibaiko urak, mardul egin baitu euria azken bi asteetan, ia atsedenik gabe.
Bizkaia eta Gipuzkoa alerta laranjan sartu dira goizaldean, 06:00etan, eurite handiengatik, eta Eusko Jaurlaritzak Larrialdi Plana abiatu du, aurrelarrialdi fasean. Gaurko eguna, urteko euritsuenetakoa izan litekeela ohartarazi dute. Euskalmeten arabera, 60 litro pilatuko dira gaur, eta beste horrenbeste bihar. Hala, alerta laranja ezarri dute ostiralera arte.
- Ibaien emariari eta uraren kalitateari buruzko datuak jasotzen dituen Altzolako ur neurgailuak 21 litro ur zenbatu ditu oraingoz {15:30ak arteko datuak dira}. Joan den martitzenean 31,5 litro ur neurtu zituen eta 43,5 litro ur astelehenean.
Dena dela, espero baino euri gutxiago egin du gaur eta ibaiek beren egoerara etortzeko astia izan dute. Alabaina, iluntzerako fronte berri bat espero dela aurreratu du Euskalmetek. Euri-jasak ekarriko ditu fronte horrek, baita txingor zaparradak ere. Elur-maila 700-800 metrora jaitsiko da.
|
|
|
|
∞Lotura duten albisteak:
- 1983ko eta 1988ko ufaletan baino euri gehiago egin du asteburuan Elgoibarren (2011-11-10)
- Asteburuko euriteak 212 litro ur eta kalte ugari laga ditu Elgoibarren eta Mendaron (2011-11-07)
- Urak gainezka egin du Madala inguruan (2011-10-24)
- Deba ibaia kezka iturri beste behin (2009-11-09)
- Ibaiak gainezka egiteko arriskuaz ohartarazi du Udaltzaingoak (2009-01-27)
- Denboralea Elgoibarren ere igarri da (2007-03-08)