40 urteko ibilbidea lagunez inguratuta ospatu du Haritz dantza taldeak

elgoibarren.net 2013ko aza. 25a, 18:36
Deskargatu Info Ahotsak :

Haritz euskal dantzari taldeak 40 urte bete ditu aurten, eta urteurrenari amaiera borobila emateko, 40 urteko ibilbidean bidelagun eta dantza lagun izan dituzten sei dantza talde gonbidatu zituzten ‘Haritz 40 urte dantzan’ jaialdira: Portugaleteko Elai Alai, Galdakaoko Andra Mari, Iruñeko Duguna, Donostiako Argia, Debako Gure Kai eta Eibarko Kezka dantza taldea. Guztiak Herriko Antzokian batu ziren Haritzen urteurrena ospatzeko. (argazkiak dauzka)

 
  Elgoibarko Haritz dantza taldearen 40 urteko ibilbidean, taldearekin harreman gehien izan duten dantza taldeak gonbidatu zituen Haritzek, ‘Haritz 40 urte dantzan’ jaialdira. Bailarako Kezka eta Gure-Kai taldeekin batera, Donostiako, Iruñeko, Galdakaoko eta Portugaleteko lau talde, Argia, Duguna, Andra Mari eta Elai Alai izan dira Haritzen ibilbidean lagun izan diren talde nagusiak, eta horiekin ospatu zuten, joan den zapatuan (azaroak 23), lau hamarkadako ibilbidea.
{mosimage}Kalegoen plazan egin behar zuten jaialdia, baina eguraldiak ez zuenez horretarako aukerarik eman, sei taldeek Herriko Antzokian eskaini zuten euskal folklore erakustaldia. Herriko Antzokiko jaialdiaren ostean, Ikastolako frontoian izan zuen jarraipena Haritzekoek lagunekin batera ospatu zuten urteurren jaiak, eta hor ere ez ziren dantzan egin gabe geratu, horrexek batzen baititu guztiak, euskal dantzekiko griñak.
 
 
 
 
 
Kultura Elgoibar