Jostailuen erakusketa antolatu dute Atxutxiamaikak, Ludotekak eta Gaztelekuak

elgoibarren.net 2013ko aza. 28a, 16:40
Deskargatu Info Ahotsak :

 
Haur eta nerabeentzako jostailuen inguruko erakusketa egongo da ikusgai gaur eta bihar, Kultur Etxeko Sotoan. Jostailuak aukeratzerakoan kontuan hartu beharrekoa azaltzen ahaleginduko dira antolatzaileak. Era berean, material birziklatuekin jostailuak sortzeko tailerra ere prestatu dute zapatu goizerako.


 Haur eta nerabeen jostailuak aukeratzerakoan zer hartu kontuan, zeri erreparatu? Besteak beste galdera horri erantzungo dio Atxutxiamaikak, Ludotekak eta Gaztelekuak elkarlanean antolatutako erakusketak. Haur eta nerabeen jolasteko beharra, jolasaren funtzioak eta horretarako jostailuen erabilerari buruzko erakusketa antolatu baitute azaroaren 28 eta 29rako. Kultur Etxeko Sotoan izango da ikusgai, 16:30etik 19:30era.

•Jostailuak sortzeko tailerra

1706637155661 Jostailuen erakusketa antolatu dute Atxutxiamaikak, Ludotekak eta Gaztelekuak

Erakusketaz gain, material birziklatuekin jostailuak sortzeko tailerra ere prestatu dute zapatu (azaroak 30) goizerako. 10:00etatik 13:00etara izango da tailerra,  Kultur Etxeko sotoan, eta erakusketan bertan eman ahalko da izena, edo atxutxiamaika@elgoibarkoizarra.com helbidera idatzita, bestela.
 
 
 
 
 
 
 
 
Gizartea Elgoibar