‘Erotik’ antzezlana estreinatuko du Taupadak abenduaren 20an

elgoibarren.net 2013ko abe. 5a, 14:28
Deskargatu Info Ahotsak :

Antzezlan berria estreinatuko du Elgoibarko Taupada Antzerki Taldeak abenduaren 20an, Herriko Antzokian. Taupada Antzerki Taldea 1977an sortu zuten euskara eta kultura bultzatzeko helburuarekin. Ordutik hona makina bat antzerki ekoitzi eta antzeztu dituzte. Erotik izango da sortu duten formatu handiko 23. antzezlana. Sarrerak aurrez salgai jarriko dituzte Pitxintxun eta egunean bertan ere eskuratu ahal izango dira leihatilan, zazpi euroan.



1706637147244 ‘Erotik’ antzezlana estreinatuko du Taupadak abenduaren 20an

Erakargarria eta zirrara eragiten duen antzezlana dela Erotik azaldu dute Taupadako alma mater Edurne Lasak eta Jose Mari Larrañagak. Ehun minutuko iraupena duen antzezlana sortu dute oraingoan, eta toki itxi eta “kezkagarri” batean lekutu dute, psikiatriko batean, hain zuzen ere. Han, deus ez da dirudiena. “Gure protagonistek misterio, intriga eta abentura zoroak biziko dituzte, nahiz eta beraien nahia maitasuna lortzea besterik izan ez. Ezertxo ere ez da dirudiena; errealitateak, fikzioak, umoreak, absurdoak eta esperpentoak pertsonaien portaera logikoarekin talka egiten dutenean sortzen baita antzez-jokoa”.

  • Abenduaren 20an estreinatuko dute Erotik, Elgoibarko Herriko Antzokian, 22:00ean. Sarrerak aurrez eros daitezke Pitxintxun, eta egunean bertan leihatilan. Zazpi euroan salduko dituzte sarrerak.
 
 
 
 
Kultura Elgoibar