Jurdan Ezenarro mendaroarraren taldeak irabazi du '101 Gaztelu' telebista saioa

elgoibarren.net 2013ko abe. 9a, 16:34
Deskargatu Info Ahotsak :

 
Atzo gauean eman zuen ETB1ek 101 Gaztelu telebista saioaren finala. Azken joko berdinduaren ostean, Zaldunen taldeak irabazi zuen abenturazko saioa, Jurdan Ezenarro mendaroarraren taldeak, hain zuzen ere. (bideoa dauka)



Zaldunen taldeko kideak: Jonas, Oihana eta Jurdan

101 Gaztelu saioko lehiakideek Euskal Herriko zazpi herrialdeetan barreiaturik dauden 20 gaztelu bisitatu dituzte, borrokaldi propioak biziz eta mota guztietako probei aurre eginez. Bi taldetan banatuta lehiatu dira, Bilauak eta Zaldunak. Talde bakoitzak sei armarri eskuratu ditu jokatutako probetan eta, berdinketa hausteko, azken duelua jokatu zuten domekako saioan. Bi taldeen ordezkari banak jokatu zuten duelua eta Zaldunen ordezkariak, Jonasek, irabazi zuen proba, eta horrekin, 101 Gaztelu saioaren estreinako edizioa. Jonas Ormabera, Oihana Lopez eta Jurdan Ezenarro lehiakide mendaroarra ailegatu dira amaierara arte Zaldunen taldean. Karibera bidaia bat eta 5.000 euro irabazi dituzte.


Gizartea Elgoibar