2013ko gaztagilerik onenak batuko dira Elgoibarren Gabon Zahar Feria egunean

elgoibarren.net 2013ko abe. 13a, 08:48
Deskargatu Info Ahotsak :
Español English Français Català Galego

 
Inozente Eguna izango den arren, abenduaren 28an Elgoibarren batuko diren bederatzi gaztagileen artean txantxa gutxi izango da. Izan ere, 2013. urteko gazta txapelduna aukeratzeko lehiaketaren seigarren ekitaldian parte hartuko dute Gabon Zahar Feria egunaren barruan Udalak eta Kalamuak antolatzen duten lehiaketan. Era berean, gazta txapelketari lotuta, maridaje-afaria antolatu dute Belaustegi jatetxean


  Idiazabal Jatorri Izendapenaren Batzorde Arautzailearen ardurapean 2013an antolatu diren hamasei ardi-gazta lehiaketa bat edo gehiago irabazi duten gaztagileen topagune izango da Elgoibar abenduaren 28an. Aurten, iaz moduan, bederatzi gaztagilek lortu dute lehiaketaren bat edo gehiago irabaztea.
  Bi gaztagile estreinakoz etorriko dira Elgoibarrera, Munaingo Zabaleta S.C. eta Azkarra S.C. gaztagile nafarra. Eulateko artzai Rikardo Remirok ere ez du hutsik egingo. Hiru alditan irabazi du Elgoibarko urteko gazta txapelduna aukeratzeko lehiaketa, azkena iaz. Gainera, lau gazta lehiaketa irabazi ditu aurten, horietako bi gazta lehiaketa garrantzitsuenetarikoak: Ordiziakoa eta Euskal Herriko Txapelketa. Hortaz, 'hat-trick'aren bila etorriko da Elgoibarrera. Elgoibarko Mausitxak ere behin irabazi du Gabon Zahar Feria egunean egiten den gazta lehiaketa, 2011n, hain justu ere. Aurten hiru lehiaketa irabazi ditu Mausitxako gaztak: Debakoa, Bilbokoa eta Legazpikoa.
  Egunean bertan, 13:30ak aldera, emango dute jakitera Euskal Herriko urteko gaztarik onena zein izan den. 1.500 euroko sari bakarra egongo da irabazlearentzat.
 2013an irabazitako txapelketak
  Irabazlea

 Deba, Bilbo eta Elgoibar

 J.M. Ansola-Mausitxa (Elgoibar)
 Araia  Hermanos Audikana (Gereñu)
 Azpeitia  Joseba Insausti (Ordizia)
 Uharte-Arakil, Ordizia, Hondarribi eta Euskal Herriko txapelketa  Ricardo Remiro (Eulate)
 Elgoibar, Bergara eta Axpe  Jon Etxebarria (Zeanuri)
 Plentzia  Zabaleta SC (Munain)
 Eibar  Azkarra (Olaberria)
 Gernika  Aizpea (Olaberria)
 Agurain
   La Leze (Ilarduia)
•Internetez zuzenean
  Udaletxekopleno aretoan jarraitu ahal izango du, nahi duen orok, urteko gaztarik onenaren aukeraketa. 12:00etatik aurrera epaimahaikideen lana zuzenean ikusteko aukera izango dute bertaratzen direnek. Dena dela, streaming bidez Internetetik zuzenean jarraitu ahal izango da lehiaketa.

•Maridaje afaria Belaustegin

1706637118515 2013ko gaztagilerik onenak batuko dira Elgoibarren Gabon Zahar Feria egunean

Gazta txapelketari lotuta, lehiaketarekin batera jaio zen ohiturari eutsiz, maridaje-afaria antolatu dute Belaustegi jatetxean, Idiazabal gazta eta goi mailako ardoak uztartzeko. Abenduaren 21ean izango da afaria (21:00etan), eta guztira bost plater dastatzeko aukera egongo da, San Asensioko Perica ardandegiko ardoekin batera. Belaustegi jatetxean eman daiteke izena (943 743 102). Aditu batek janaria eta ardoa nola uztartu behar diren azalduko du. Afariaren prezioa 50 euroan (+ %10 BEZ) jarri dute. 
 
∞Lotura duten albisteak:
 
 
 
 
Gizartea Elgoibar