San Anton pilota txapelketa egun bakarrean jokatuko da aurten, arazo ekonomikoak tarteko

elgoibarren.net 2014ko urt. 9a, 20:04
Deskargatu Info Ahotsak :
Español English Français Català Galego

 
Pilotan ere igarri dute krisia. Hala jakinarazi dute Lagunak pilota eskolakoek. Aurten, jaialdi bakarrean jokatuko da San Anton pilota txapelketa. Hilaren 17an jokatuko da jaialdia, eta bi partida izango dira guztira.

 
 
 


 Iaz arte, hiru jaialdi izaten ziren San Anton pilota txapelketan, eta guztira, zortzi bikotek parte hartzen zuten torneoan. Bi maila izaten ziren: promesak eta nagusiak, eta kategoria bakoitzean bina finalaurreko jokatzen ziren, eta bi bikote irabazleak sailkatzen ziren gero San Anton egunez jokatu ohi zen finalerako.

1706637065234 San Anton pilota txapelketa egun bakarrean jokatuko da aurten, arazo ekonomikoak tarte

Aurten ez da halakorik izango, baina. Jaialdi bakarra izango da, bi partida guztira. Ohi legez, ikastolako frontoian jokatuko dira partidak, 22:15etatik aurrera. Lehenengo partidan herriko pilotariak lehiatuko dira: Kepa eta Lizarralde, Agirrebeña eta Txurrukaren kontra. Bigarren partidan, berriz, Urbieta II.a eta Murgiondo, Atxotegi eta Urruzolaren kontra ariko dira, azken orduko aldaketarik ezean. Izan ere, antolatzaileek jakinarazi dute guztiz lotu gabe dutela jaialdiko bigarren partida hori.
 Iaz, Ioritz Arrietak eta Kerman Galarzak irabazi zuten San Anton Pilota Txapelketako finala, nagusien mailan. 22-11 irabazi zieten Iker Txurruka elgoibartarrari eta Mikel Goñioronoztarrari.
 
 
Kirola Elgoibar