Altzolako zenbait zuhaitzen aurkako “bandalismo ekintza” salatu du Elgoibarko Udalak

 

Zerra edo antzerako tresnaren batekin kaltetu dituztela Altzolako zenbait zuhaitz jakinarazi du Elgoibarko Udalak. “Zuhaitzei eginiko kalteak ikertu beharko ditugu, inork ez daki-eta bandalismo ekintza berri honen atzean dagoen arrazoia zein den. Alabaina, Elgoibarko Udalaren iritzia argia da: ez dago izateko arrazoirik horrelako ekintza bat justifikatzeko, eta zuhaitza hiltzea beste ezer ez dute lortuko”.