Mendaron bizi den Rafa Furnier ceutar-euskalduna elkarrizketatu du Jon Gurrutxagak Euskadi Irratian

elgoibarren.net 2014ko urt. 15a, 14:31
Deskargatu Info Ahotsak :

 
Hiri Gorrian (Euskadi Irratia) irratsaioan izan da Jon Gurrutxaga kazetari eta musikari elgoibartarra. Elkarrizketatu eta elkarrizketatzaile bezala. Izan ere, berak aukeratutako pertsona bati elkarrizketa egiteko aukera eman diote eta Mendaron bizi den lagun bat aukeratu du, Rafa Furnier ceutar-euskalduna, hain zuzen ere. Mendarora nola iritsi zen eta gaur egun zertan diharduen kontatu dio Furnierrek Gurrutxagari (audioa dauka)



Rafa Fournier (ezkerretik lehena) Andrakan taldeko bateriajolea da. Arg: Ander Mujika.

Ceutarra jaiotzez, lan eta maitasun kontuek ekarri zuten Mendarora Rafa Furnier. Granadan bizi zela, antzerki ikastaro batean parte hartu zuen eta han ezagutu zuen gaur egun bikotekide duen Ainara, 2001 urtean. Orduz gerora, batetik bestera ibili ziren biak: Amsterdan, Granada, Asia, Menorka… eta halako batean Euskal Herrira etorri ziren. Eibarko baserri batean bizi ostean ailegatu ziren Mendarora.
Jon Gurrutxagak eta Rafa Furnierrek Mendaroko Musika Eskolan elkar ezagutu zuten. Bateria irakaslea zen Gurrutxaga eta klaseak hartzen zituen Furnierrek. Gerora, Andrakan musika taldeak batu zituen biak, Jonek baterian lagatako lekua hartu zuen-eta Rafak. Musikaz, antzerkiaz, sukaldaritzaz, euskaldunen eta ceutarren inguruko topikoez eta beste hainbat gairen inguruan aritu ziren biak solasean, euskaraz, Hiri Gorrian irratsaioan. Entzun hemen elkarrizketa osorik.



*Argazkiak: Rafa Furnier eta Ander Mujika.
Gizartea Elgoibar