Euskal Herriko Mus Txapelketan parte hartzeko interesa duten bikoteek Elgoibarko kanporaketa hasi baino ordubete lehenagora arte dute izena emateko aukera. Elgoibarko kanporaketa datorren zapatuan, urtarrilaren 25ean, jokatuko da Lanbroa tabernan, 16:00etatik aurrera. Bikote bakoitzak 20 euro ordaindu beharko ditu. Informazio gehiago nahi izanez gero telefono honetara deitu: 669 671 680 (Josu).
Herri bakoitzeko txapeldunek Gipuzkoako kanporaketan parte hartuko dute otsailaren 14, 15 eta 16an Orion. Euskal Herriko finala Heletan (Behenafarroa) izango da, martxoaren 8an.
•Euskal Herriko Mus Txapelketaren sorrera
2002. urtean. Iparra Hegoa elkartea Euskal Herriko Mus Txapelketa antolatzen hasi zen. Garai hartan, Orreaga Fundazioak Nafarroako mus txapelketa antolatzen zuen. Bai Euskal Herriari ekimena, Iparra Hegoa eta Orreaga fundazioak hausnartu eta Euskal Herri osoko muslariak biltzeko une edo gune bat sortzea adostu zuten. Zazpi herrialdetako muslariak "herri gisa" aritzeko eta lotzeko egitasmo txiki bat zabaltzeko erabakia hartu zuten. Euskal Herriko Mus Txapelketa urtez urte indartuz joan da eta beste hainbat esparrutan bezala, Euskal Herria oinarri hartuta egitura propio bat sortzearen beharra sentitu zuten. Egitura hori sortzeko helburuarekin, txapelketaren antolakuntzan gero eta pertsona gehiago antolatzen joan dira azken urteetan eta guztien artean Euskal Herriko Mus Federazioa sortu zuten. (ikus txapelketak orain arte eginiko ibilbidea)
- Informazio osoagoa: euskalherrikomustxapelketa.org
∞Lotura duten
albisteak:
- Salegi eta Garate nagusi Euskal Herriko mus txapelketako Elgoibarko kanporaketan (2013-01-29)
- Zialtzeta eta Berdonces nagusi Elgoibarko mus kanporaketan (2011-02-15)
- Zazpigarren postua Salegirentzat eta Garaterentzat EHko mus txapelketan (2010-03-30)
- Salegi eta Garate txapeldunorde Gipuzkoako mus kanporaketan (2010-03-02)
- Heldutasuna eta eskarmentua nagusi Elgoibarko mus kanporaketan (2010-02-11)