Maalako estalpea aukeratzeko azken eguna: otsailaren 5a

elgoibarren.net 2014ko urt. 30a, 18:42
Deskargatu Info Ahotsak :

Maalako estalpearen inguruko proiektuak {zortzi} Kultur Etxeko erakusketa aretoan daude ikusgai, otsailaren 5a arte. Erakusketara joaten diren 18 urtez gorakoek proiektu gustukoena bozkatzeko aukera dute, eta hala egin dute dagoeneko 200 bat lagunek. Otsailaren 5ean arratsaldeko 20:30ean itxiko da erakusketa, eta egun horretan bertan zenbatuko dituzte herritarren botoak, 20:00etan.


1706637021915 Maalako estalpea aukeratzeko azken eguna: otsailaren 5a

Jasotako boto guzti horiek aintzat hartuko dira gero, azken erabakia hartzeko orduan. Izan ere, herritarren botoek %20ko balioa izango dute puntuazio orokorrean. Gainerako irizpideak honako hauek dira: proposamenaren prezioa (%30), ingurura nola egokitzen den (%20), egitura mantentzeak zer kostu suposatuko duen gerora (%15) eta parkearen erabileretara nola egokitzen den (%15).


 Rikardo Garate Elgoibarko Udaleko Hirigintza zinegotziak jakinarazi du otsailaren 10eko astean batuko dela epaimahaia. Proiektu irabazlearen egileak proiektua idazteko enkargua jasoko du saritzat. Bigarren proiektu onena, berriz, 3.000 eurorekin sarituko dute, eta hirugarren proiektu onenak 2.000 euro jasoko ditu.
 
 
 
 
 
Gizartea Elgoibar