Orain dela 800.000 urteko tresnetatik hasi, eta K.a. 2000. urtera artekoak egin ditu Jose Julian Marquezek. Euskal Herrian erabilitako tresnez gain, Indoeuropearrak ere kopiatu ditu. "Pieza oso bitxiak eta bereziak egongo dira. Batzuk balio handikoak dira, gainera, horregatik bitrina barruan jarriko ditut", azaldu du.
Erakusketa didaktikoa egiten saiatu dela dio, "piezak benetan ziren bezala ikusteko aukera eskainiko du erakusketak. Euskal Herrian eta Iberiar Penintsulan bizi izan diren gizakien berri ere emango dut, Homo Antecesor-etik hasita, Homo Sapiens arte. Gizakia kobazuloetan bizi zenetik gaur egungo teknologia erabiltzen hasi arteko ibilbidea jasoko dut, hau da, harrizko tresnak erabiltzetik sakeleko telefonoa erabiltzera nola pasatu garen azalduko dut erakusketan. Historiaurrea gerturatu nahi diet herritarrei, baina aldi berean, arkeologian adituak direnekin kontaktuan jarri nahi dut. Erakusketa honen bidez nire lana ezagutzera eman nahi dut".
Erakusketaren ordutegia: astelehenetik larunbatera, 18:30etik 20:30era. Otsailaren 8tik 22ra.
- ELKARRIZKETA: Jose Julian Marquezek BARREN aldizkariari eskaini dion elkarrizketan duzue erakusketaren inguruko informazio osoagoa: (BARREN 895. zenbakia 2014-02-07 PDF)
|
|
