Izaskun Estibaritzen eta Jose Inazio Izagirreren artikulu bat saritu dute ‘Pyrenaica’ sarietan

elgoibarren.net 2014ko ots. 10a, 17:36
Deskargatu Info Ahotsak :

 
Euskal Mendizaletasunaren 28. Galaren barruan, Pyrenaica sariak banatu ziren joan den barixakuan Iruñean. Mendi artikuluen lehiaketan Izaskun Estibaritz eta Jose Inazio Izagirre elgoibartarren lan batek, Tresviso: bidexka sinesgaitzak izenekoak, jaso zuen bigarren saria.

 


Mikel Arrizabalagaren eskutik jaso zuen saria Izaskun Estibaritzek.

2013ko mendiko jarduera onenen aitortzak egiteko ez ezik, Pyrenaica sarien berri emateko ere baliatu zuten Euskal Mendizale Federazioak joan den otsailaren 7an Iruñeako Planetarioan egin zuen Euskal Mendizaletasunaren Gala. Mendiko artikuluen 30. lehiaketan Izaskun Estibaritz eta Jose Inazio Izagirre bikote elgoibartarren Tresviso: bidexka sinesgaitzak artikuluak jaso zuen bigarren saria (325 euro eta garaikurra). Lehen saria Elorrioko Gotzon Irazolaren La oculta Cara N del Udalatx artikuluarentzat izan zen. 500 euro eta garaikurra jaso zituen saritzat.
 Argazki lehiaketako lehen saria, berriz, Bergarako Juan José López Azurmendiren Desierto blanco (Egipto). Antiguo fondo marino al este del Sahara izeneko bildumak jaso zuen.

∞Lotura duten albisteak:

 

 

 





Gizartea Elgoibar