‘Elgoibarko lurrazpiak’ lana Udal Liburutegian jarri dute kontsultagai, PDF formatoan

 

 

 Idatzizko azalpenak, argazkiak, eta berak egindako plano eta ilustrazioak ere batu ditu Tobajasek. Bere asmoa liburua egitea zen, eta urteetan jardun du proiektu hori finantzatuko duen norbaiten bila, baina momentuz ez du ezer lortu eta, horregatik jarri du Gotzon Garate Udal Liburutegian, gutxienez nahi duenak kontsultatzeko modua izan dezan.
 Elgoibarren 1974an sortu zen estreinakoz espeleologia talde bat, Morkaiko mendizale taldearen baitan. Haren ostean, beste bi espeleologia talde ere egon dira Elgoibarren, elkarri erreleboa emanaz: 1983an Leizarpe, eta 2003an Elgoibarko Espeleologia Taldea. Guzti horietan parte hartu du Angel Maria Tobajasek, eta gainontzeko kideen laguntza izan du liburu egitasmoa osatzeko.
Mendaroko leize-zuloak ere sartu dituzte liburuan, Mendaro Elgoibarko parte zen garaian hasi zituzten-eta horien esplorazioak.

• Informazio osoagoa: BARREN aldizkariak 2011n egin zuen erreportajean (BARREN 804, 2011-11-25 PDF)