Protesta zaratatsua egin zuten dozenaka elgoibartarrek prekarietatea salatzeko

elgoibarren.net 2014ko ots. 21a, 17:22

Prekarietatearen eta pobreziaren kontrako Elgoibarko taldeak deituta, protesta zaratatsua egin zuten atzo (otsailak 20), dozenaka elgoibartarrek. ‘Ez zaude bakarrik, zurekin gaude. Ez utzi zure etorkizuna kentzen’ zioen pankartaren atzean herriko kaleak zeharkatu zituzten, eta banketxeen aurrean geldialdiak egin zituzten. Etxe kaleratzeen aurka eta prekaritatea salatzeko antolatutako protesta ekintza izan zela azaldu zuten deitzaileek. (bideoa dauka)

San Frantzisko iturriaren aurrean bildu ziren protesta zaratatsuan parte hartu zuten herritarrak, ia 75 bat lagun. Kaleak manifestazioan zeharkatu aurretik idatzi bat irakurri zuen Andoni Segundok, Prekarietatearen eta pobreziaren kontrako taldeko kideak (irakurri idatzia PDFan). Ondoren banketxez banketxe eraman zuten protesta zaratatsua.

Informazio osoagoa: Bai posible da, erreportajea BARREN aldizkarian (896. zenb. 2014-02-14)

Gizartea Elgoibar