Izan ere, 2014 Tokikom "sendotzeko urtea" izango dela iragarri dute guneko ordezkariek. “Tokikom eratu genuenean, bi urteko epea eman genion egitasmoak etorkizunik ba ote zuen jakiteko. Egindako bideari erreparatuta, argi daukagu Tokikomek hartu dituela tokia eta funtzioa”, adierazi zuen presidente izateari utzi dion Mikel Irizarrek batzarrean.
Mikel Irizarren berbetan Tokikomen lehen txanpa "indartsua" izan da: "Orain egindakoa sendotu behar da eta epe ertaineko plan bat landu. Uste dut badagoela aukera euskal hedabideak lankidetzan jartzeko eta horretarako oso mesedegarria izango da Tokikom indartzea".
Esparru komunen kudeaketa, solaskidetza bateratua, eta garapen eta integrazio posibleen diseinua dira Tokikomen helburuak, eta horietan sakontzeko asmoa du guneak.
- Informazio osoagoa: topagunea.org
- Irakurri Urko Aristik Berria egunkariari eskaini dion elkarrizketa: "Euskarazko tokiko informazio agentzia bat bihurtu nahi dugu"
- Mikel Irizar: “Esanguratsua da alfabetatzean eta hedabideetan baliabideei eustea” (2013-03-21)
- 'Euskal hedabideen etxea, tokikoen ikuspegitik' gogoeta txostena aurkeztu du Tokikomek (2013-11-27)