Euskal Inauteriak aurten ere ezin izan du kalera irten

elgoibarren.net 2014ko ots. 28a, 18:08

Eguraldiaren iragarpenak bete egin dira eta euriak jantzi du gaur Ostiral Mehe eguna. Elgoibar Ikastolako ikasleak eta irakasleak kalera irten ohi dira egun honetan Euskal Inauteria irudikatzera, baina, bigarren urtez jarrian, ikastetxe barruan egin dute ospakizuna, eguraldiak hala behartuta. Inauterietako ospakizunek iluntzean izango dute segida, Vacuna elkartekoek antolatu duten pintxo poteoarekin. (argazkiak eta bideoa dauzka)

Herriko kaleetan barrena kalejiran irten beharrean, ikastetxe barruan ospatu dute Euskal Inauteria Elgoibar ikastolako ikasleek eta irakasleek gaur arratsaldean. Honenbestez, hasi dira Inauterietako ospakizunak gurean. Gaur bertan izango dute jarraipena, Vacuna elkarteak arratsalde iluntzerako antolatu duen pintxo poteoarekin.

Kalegoen plazan hasiko dute pintxo poteoa, eta antolatzaileek mozorrotuta joatea eskatu dute. 19:30ean elkartuko dira plazan, eta Maalan amaituko dute ibilbidea, 22:00ak aldera. Mozorrotzeko gaia ere jarri dute: heroeak eta bilauak. Pintxo-potea Gabaz tabernan amaituko dute. Mokadutxoa emango diete han, eta gau osoan dantzarako musika izango dute.

2013ko BIDEOAK
Inauteriak 2013, zapatua

Inauteriak 2013, martitzena

•Inauterietako egitaraua
Otsailak 28, barixakua

15:15etik 16:30era: Ikastolako haurren Euskal Inauteria. Kalejira eta dantza saioa Ikastolatik Kalegoen plazaraino. (Eguraldi txarra eginez gero, Ikastolan izango da)
17:00etatik 19:30era: Mozorro Festa, merendola eta mozorro lehiaketa Ludotekan.

Martxoak 1, zapatua

18:00: Atxutxikaraokea 0-12 urte bitarteko haurrei zuzendua, Kalegoen plazan. (euria eginez gero, Maalan) Antolatzailea: Atxutxiamaika.
19:00etan: Mozorroen eta karrozen desfilea. Mauxitxa txarangarekin eta erraldoi, buruhandi eta zezenzikletekin. Maalatik hasiko da.
20:30ean: Txokolatada, Maalako parkean.
23:00etan: Karaokea 16 urtetik gorakoentzat, Maalako parkean.
23:30ean: Mauxitxa txarangaren kalejira, Kalegoen plazatik Maalako parkera.
24:00etan: Erromeria Fan&Go taldearekin, Maalako parkean.

Martxoak 2, domeka

18:00etatik 21:00etara: dantzaldia Gelatxo Orkestrarekin, Jubilatuen Biltokian.

Martxoak 4, martitzena

16:30 Mozorroen elkartzea, Kalegoen plazan.
16:45: Kiki, Koko ets Moko "Txontada Txondal dibertsioa eta jai" ikuskizuna Kalegoen plazan. Euria egiten badu: Maalan.
18:15ean: mauxitxa txarangarekin kalejira, erraldoi, buruhandi eta zzezenzikletekin.
18:00etatik 21:00etara: Gelatxo Orkestraren dantzaldia Jubilatuen Biltokian. Mozorro lehiaketa ere izango da eta bi sari banatuko dira ondoen mozorroturik daudenen artean.

Gizartea Elgoibar