EAJ eta EHBilduk adostutako mozio batean jasotako ekitaldia zen 'Geurea ikurriña', baina bi alderdi horietako ordezkariez gainera, PSE-EE alderdiko Nerea Alustiza zinegotziak ere parte hartu du ekitaldian. Ikurrinari "gorazarre" egiteko ekitaldian parte hartu du era berean Markel Olanok ere, Gipuzkoako Batzar Nagusietan EAJ-PNVren bozeramailea eta Gipuzkoako Ahaldun Nagusi ohiak.
Alfredo Etxeberriaren berbekin hasi dute ekitaldia eta ondoren, Kalegoen plazan jarri duten plakan idatzita dagoena irakurri du jendaurrean Maialen Astigarragak. Agintarien eta udaletxeko balkoian jarri duten ikurrina handi baten aurrean aurreskua dantzatu dute gero Haritz dantza taldeko bi kidek. Aurreskuaren ostean euskal abestiak kantatu dituzte bildutakoek kale kantarien laguntzarekin.
Amaieran, udal ordezkariek argazkia atera dute Jaime Arresek 1977ko urtarrilaren 19an udaletxeko balkoian jarri zuen estreinako ikurrinaren azpian. Koadro baten barruan sartu dute ikurrina eta udaletxe barruko pareta batean zintzilikatu dute.Horixe izango du kokaleku berria aurrerantzean.
'Geurea Ikurrina' ekitaldia, argazkitan:
∞Lotura duten labisteak:
- Ikurrinari gorazarre egingo diote barixakuan ‘Geurea Ikurrina’ ekitaldian (2014-03-05)
- Espainiako Bandera udaletxeko fatxada nagusian jartzera behartu du Udala Auzitegi Nagusiak (2014-02-18)
- Elgoibarko Udalak apelazio helegitea aurkeztu du ‘banderen auzian’ (2013-02-28)
- Espainiako bandera “Elgoibartar gehienon nahiaren aurka” jarri dutela zehaztu du Udalak (2012-04-16)
- Espainiako bandera jarriko dute udaletxean, EAEko Auzitegi Nagusiak aginduta (2012-03-21)
- Udaletxeko balkoian espainiar banderarik eta ikurrinik ez dagoelako kezkatuta 'El Mundo' egunkarian (2007-11-27)
- Legebiltzarrak Espainiako bandera erakunde guztietan jartzea eskatu du (eitb.com)