Buruhandiak egiten ikasteko tailerra familian

elgoibarren.net 2014ko mar. 11a, 12:05
Deskargatu Info Ahotsak :
Español English Français Català Galego

 
Familiaren hizkuntza transmisioa lantzeko helburuarekin, buruhandiak egiteko tailerra antolatu du Atxutxiamaika aisialdi taldearen Kiribilduz egitasmoak HH4-LH2 adin tarteko umeentzako eta euren gurasoentzako. Bi saiotako ikastaroa izango da; martxoaren 22an eta 29an. Martxoaren 19a da izena emateko azken eguna.

 

1706636939200 Buruhandiak egiten ikasteko tailerra familian

HH4 eta LH2 adin tarteko umeak dituzten familientzako buruhandien tailerra antolatu du Elgoibarko Izarrak, Atxutxiamaikaren Kiribilduz egitasmoak, hain justu ere. “Familia artean hizkuntza transmisioa lantzeko mila modu daudela badakigu, baina zer hobea elkarrekin ondo pasatzea baino”, adierazi dute antolatzaileek ekimenaren harira. Martxoaren 22an eta 29an, 16:00etatik 18:00etara bitartean izango dira saioak, elkarteak Plaza Txikian duen lokalean.
 Hona hemen ikastaroan parte hartzeko baldintzak:
  • Ikastaroaren helburua hizkuntza transmisioa lantzea izanik, gutxieneko euskara maila eskatuko zaie gurasoei.
  • Ume bakoitzarekin guraso bakarrak hartu ahalko du parte. 
  • Bi saioen prezioa 8 eurokoa da (bazkideentzat 7 euro) eta transferentzia bidez ordaindu beharko da (KutxaBank: 2095 5036 58 1070736292)
IZEN-EMATEA
 Martxoaren 19a da izena emateko azken eguna. (KLIK)

1706636939322 Buruhandiak egiten ikasteko tailerra familian
 
•Asmakuntzak salgai! Ikuskizuna martxoaren 14an
 Atxutxiamaikaren Kiribilduz egitasmoak beste ekintza bat ere antolatu du aste honetarako, Asmakuntzak salgai! izeneko ikuskizunaren emanaldia, hain zuzen ere. HH2-LH2 bitarteko ikasleentzat da egokia eta barixaku honetan, martxoaren 14an, eskainiko dute Elgoibarko Kultur Etxeko sotoan (17:30). Informazio osoagoa: elgoibarkoizarra.com
 
 
 
 
 
Gizartea Elgoibar