‘Gaztemapping’ proiektuaren emaitzak aurkeztuko dituzte astelehenean

elgoibarren.net 2014ko mar. 14a, 12:29
Deskargatu Info Ahotsak :
es en fr

Nolakoa da gaur egungo Elgoibarko gazteen aisialdia? Zer egiten dute gure gazteek ondo pasatzeko? Non eta nola erlazionatzen dira gainontzeko gazteekin? Galdera horiei, eta gehiagori, erantzuna bilatzeko Gaztemapping izeneko egitasmoa jarri zuen abian 2013an Elgoibarko Udalak, Manahmana enpresarekin elkarlanean. 13tik 30 urtera arteko gazte elgoibartarren aisialdi ohiturak aztertu dituzte eta ikerketaren emaitzak eta diagnosia jakinaraziko dituzte datorren astelehenean, martxoaren 17an, Elgoibarko Kultur Etxeko hitzaldi gelan.


1706636924496 ‘Gaztemapping’ proiektuaren emaitzak aurkeztuko dituzte astelehenean

Gazteen aisialdi ohiturak ikertu ostean, Gaztemapping egitasmoaren diagnosia ezagutaraziko dute asteleheneko saioan. Ikerketaren emaitzak aurkezteaz gainera, joango direnen artean “gogoeta” eta “elkarrizketa” bultzatzea izango dela saio horretako helburua jakinarazi dute sustatzaileek. 18:30ean hasiko da eta ordubetekoa izango da.

 Gaztemapping egitasmoaren baitan, Elgoibarko hogei gaztek beste hogei gazte ikertu dituzte, horien aisialdi ohiturak zein diren, eskura dituzten baliabideak nola erabiltzen dituzten eta zer nolako interesak dituzten, besteak beste.
 
Gizartea Elgoibar