Autobus zerbitzua berritzeko proposamenaren gainean bilerak egingo dituzte Mendaron eta Elgoibarren

elgoibarren.net 2014ko mar. 19a, 18:49
Deskargatu Info Ahotsak :

Gipuzkoako Foru Aldundiak autobus zerbitzua berritzeko proposamena egin du, probintziako 56 herritan jasotako ekarpenak kontutan hartuta, tartean Elgoibarko eta Mendaroko bizilagunenak. Orain, proposamen hori herritarren beharretara egokitzen ote den jakin nahi dute eta bigarren bilera saioa jarri dute abian herriz herri. Mendaron bihar, martxoaren 20an, egingo dute bilera eta apirilaren 10ean Elgoibarren.


  Gipuzkoako Foru Aldundiak hainbat eskualdetan autobus garraio zerbitzu berria jarri behar zuen (emakidak iraungita daudelako), eta hori aprobetxatu du ohiko eran egin beharrean herritarren parte hartzearekin egiteko. Horregatik, 2013ko urrian zerbitzua berritzeko prozesua martxan jarri zuen, eta orain prozesu horretako bigarren parte hartze prozesua hasi du, “inoiz Gipuzkoan egin den parte hartze prozesu zabalenetako batean”.

1706636918787 Autobus zerbitzua berritzeko proposamenaren gainean bilerak egingo dituzte Mendaron et

Orain, berriro, 56 herritara joango da Diputazioa, herritarrei proposamena zer iruditzen zaien jakiteko. Izan diren aldaketak azalduko dizkiete bileretan, baita lehen faseko zein ekarpen onartu diren ere, zeintzuk ez diren onartu, zergatiak eta abar. Baina, horrez gain, herritarrei, eta baita udalei ere, aukera emango diete berriro iritzia emateko eta aurreproiektuen inguruan nahi dituzten ekarpenak egiteko. Lehenengo fasean ekarpena egin zuten guztiei proposamena helaraziko zaie eta ekarpenak egiteko aukera emango zaie. Ondoren, talde teknikoarekin fase honetan jasotako ekarpenak edo alegazioak kontrastatuko dira.
 Ekarpenak webgunearen bidez (www.garraioahobetzen.net) egiteko aukera ere izango da, baina badaude iritzia emateko modu eta bide gehiago ere. Ingormazio osoagoa: w390w.gipuzkoa.net

•Herriz herri egingo diren bilerak:
  • Mendaro, martxoaren 20an, 18:30ean Mendaroko udaletxean
  • Elgoibar, apirilaren 10ean, 18:00etan Elgoibarko Kultur Etxean

∞Lotura duten albisteak:

 

 

 

Gizartea Elgoibar