Haurrei, nerabeei eta gazteei garatzeko aukera, eta aldi berean, haurtzaroaz, nerabezaroaz eta gaztaroaz gozatzeko "aukera etengabea eta egonkorra" eskaintzea da Elgoibarko Udaleko Gazteria Sailak gazteen ekimenak sustatzeko egin duen diru-laguntza deialdiaren helburua.
Dagoeneko argitaratu dituzte diru-laguntzak emateko oinarriak Gipuzkoako Aldizkari Ofizialean, eta eskaerak aurkezteko epea apirilaren 11n amaituko da. Gazteen ekimenak sustatzeko diru-laguntza eskaerak honako helbidean aurkeztu behar dira: Herritarrentzako Arreta Bulegoan dagoen Udalaren Erregistro Nagusian (Santa Ana kalea, 2), astelehenetik barixakura, 09:00etatik 13:00etara.
Aurkeztutako proiektu bakoitzak 1.000 euroko laguntza jaso dezake gehienez, 4.000 euroko poltsa osotik. Informazio gehiagorako gazteria@elgoibar.net edo gazteinformazioa@elgoibar.net