Mendaroko Udaleko Gizartegintza Sailak, Gipuzkoako Minbiziaren Aurkako Elkarteak eta Basque Culinary Center -ak bat egin dute koloneko minbiziaren prebentzioan, eta osasuna eta gastronomia uztartuko dituen saioa antolatu dute biharko Mendaron. Mendaro Ospitaleko mediku Eva Zapatak eta Basque Culinary Centerreko Aitzol Zugastik bizimodu eta elikadura osasuntsua izateko hainbat aholku emango dituzte, batez ere koloneko minbiziaren prebentzioan eraginkorrak diren aholkuak.
Era berean, koloneko minbizia gizonezkoen gaixotasun bat dela desmitifikatzea da hitzaldiak antolatu dituztenen helburuetako bat. Bizkaia, Gipuzkoa eta Araban gizonen artean, prostatako minbizia dela gehien ematen dena azaldu dute, kolonekoa minbiziaren aurretik. Emakumeen artean, berriz, bularreko minbizia da gehien diagnostikatzen duten tumorea, eta kolonekoa bigarren. Hortaz, herritarren artean tumorerik ohikoena da kolon eta ondestekoa. 1.600 lagunei diagnostikatzen zaio urtero eta 2.000 izaten dira ospitaleratuak arrazoi horregatik, hau da, minbizi kasu guztien %14,6.
Osakidetzak 2009. urtean abiatu zuen kolon eta ondesteko minbizia garaiz antzemateko proiektua eta Debabarrenan ere indarrean dago, Mendaroko Ospitalean.
Osakidetzak 2009. urtean abiatu zuen kolon eta ondesteko minbizia garaiz antzemateko proiektua eta Debabarrenan ere indarrean dago, Mendaroko Ospitalean.
- Jardueran parte hartzeko izen ematea doakoa izango da; Gipuzkoako Minbiziaren Aurkako Elkartera deitu (943 45 77 22), besterik ez da egin behar, parte hartzeko. Kilimon Elkarte Gastronomikoan (Herriko Enparantza,13) izango dira hitzaldiak, martxoaren 27an, 18:30ean hasita.
Informazio osoago, BARREN aldizkariak eginiko erreportajean: Hartu aurrea Koloneko minbiziari (821 zenb. 2012-04-20 - PDF)
