Hondakinen %35,7 gaika bereizita bildu da Debabarrenan aurten, iaz denbora berean baino %6 gehiago

elgoibarren.net 2014ko mar. 27a, 15:11
Deskargatu Info Ahotsak :

 
Debabarrenako mankomunitatean "modu esanguratsuan" hobetu dira gaikako bilketaren emaitzak urteko lehenengo bi hilabeteetan. Hala jakinarazi du mankomunitateak berak prentsa ohar bidez. Urtarrilean eta otsailean, hondakinen %35,7 gaika bereizita jaso zituzten, iaz bi hilabete horietan jaso zena baino %6 gehiago beraz [%29,62 izan zen iaz].


 Debabarrenako Mankomunitatearen esanetan, emaitza horiek erakusten dute materia organikoaren bilketan igoera nabarmena izan dela [ia bikoiztu egin da]: 2013. urtean hilabete bakoitzean batez beste 126.102 kilo bildu ziren, eta 2014an, 234.735 kilo. Gainerako hondakinei dagokionean ere datuak positiboak direla nabarmendu dute. Udalerriei dagokienean, aurrerapauso handienak Eibarren eman dituzte, hamar puntuan igo delarik han gaikako bilketaren ehunekoa: 2013an %29,84koa izan zen, eta 2014an, %39,66 izan da. Eibarren atzetik dator Elgoibar (%38,51) eta ondoren, Soraluze (%36,51), Ermua (%36,36), Mutriku (%31,23), Deba (%26,88), Mendaro (%20,42) eta Mallabia (%18,76).

•Igoerarik handiena Eibarren, eta hurrengo, Elgoibarren

1706636890056 Hondakinen %35,7 gaika bereizita bildu da Debabarrenan aurten, iaz denbora berean bain

Eibarren kasuan, materia organikoaren bilketan parte hartzen duten bizilagunei tasak ez igotzeko Udalak egindako kanpainari esker, hirukoiztu egin da parte hartzaile kopurua, eta lortu da biztanleen %95etik gora inskribatzea; guztira, 19.637 familia.
 Elgoibarren, Ermuan eta Soraluzen ere egin dira antzeko kanpainak bosgarren edukiontzia jartzeko, eta kanpaina horiei esker lortu da partaidetza %60tik gorakoa izatea. Zehazki, hemen, Elgoibarren, 2.792 familiak eman dute izena, biztanleen %63k, hain zuzen. Ermuan 3.806 familiak izena eman dute (biztanleen %60), eta Soraluzen, 1.216 (%78). Gaikako bilketaren datu horietan ez dituzte kontuan hartu garbiguneetako eta industrialdeetako bilketei buruzko datuak.
∞Lotura duten albisteak:
 
 
 
 
 
Gizartea Elgoibar