Ikastetxeetako ordezkariek eta Udalekoek atzo (martxoak 31) egin zuten hitzarmenaren sinatzea udaletxean. Hitzarmenean jasota dagoenez, Udalak 27.464 euroko laguntza emango die ikastetxeei aurten (iaz 26.138 eurokoa izan zen diru-laguntza). Elgoibarko Udaleko Ongizate Sailak 16.400 euro jarriko ditu, 7.627 euro Euskara Sailak eta 3.447 euro Gazteria Sailak.
Diru laguntzaren banaketari dagokionez, Elgoibar ikastolak 9.644 euroko diru-laguntza jasoko du, Herri Eskolak 5.415 euro, Institutuak 7.023 euro eta Meka Lanbide eskolak 3.110 euro.
Udaleko Ongizate sailetik emandako diru-laguntza Osasunaren Hezkuntza programa gauzatzeko bideratuko da; Udaleko Euskara sailetik emandakoa, "Eskolaz kanpoko egonaldietarako; Ahozkotasuna-Bertsogintza egitasmorako eta Euskara sustatzeko jarduetarako" eta Gazteria sailak emandakoa Gaztematika (Gipuzkoako haurrentzako eta gazteentzako sustapen sistema) garatzen laguntzeko.
∞Lotura duten albisteak:
- Elgoibarko Udalak 26.138 euroko diru-laguntza emango die ikastetxeei (2013-04-16)
- 13.000 euroko diru laguntza banatu du Udalak ikastetxeen artean (2011-03-30)
- Osasunerako hezkuntza sustatzeko laguntza eman die Udalak ikastetxeei (2012-05-18)