Kultura sailetik jakinarazi dutenez, Kutxabank bitartez erosi daitezke Herriko Antziokian zinea ikusteko txartelak, eta Internet bidez saltzen ez dituzten sarrerak jarriko dituzte salgai txarteldegian. Gaur (astelehena, apirilak 7) gauerako emanaldirako 9 sarrera daude saldu gabe, baina martitzenean eskainiko duten azken emanaldirako sarrera guztiak {395 eserleku daude} daude salgai. Bi emanaldiak 21:30ean hasiko dira.
•Markak hausten
Zine aretoak txiki lagatzen ari da 8 apellidos vascos film arrakastatsua. Elgoibarren ere ohiko asteburuetan baino emanaldi bat gehiago eskaini zuten, eta domeka gauean ere egon zen zinera joateko aukera, baina hala eta guztiz, ez da nahikoa izan eta martitzenerako azken saio bat antolatu behar izan dute Kultura sailekoek.
Euskaldunok komediarako lehengai gisa erabiltzen gaituen Espainiako pelikula honek gurean ere izan duen arrakasta neurtzeko datu bat: iaz, 2013an, Las Brujas de Zugarramurdi izan zen filmik ikusiena Elgoibarko Herriko Antzokian eskaini zituzten filma guztien artean. 388 ikusle batu zituen Alex de La Iglesiaren pelikulak; hutsaren hurrengoa 8 apellidos vascos-ek lortuko dituen zifrekin konparatuta, 2.200 lagun baino gehiagok ikusiko dute-eta Elgoibarren, 11.000 biztanleko herrian. Beste datu bat: 2013an 8.533 zine sarrera saldu zituzten guztira Herriko Antzokian. Itzela.
∞Lotura duten albisteak:
- ‘8 apellidos vascos’ filmaren sei emanaldi eskainiko dituzte asteburuan (2014-04-03)
- ‘Las Brujas de Zugarramurdi’ izan da pelikularik ikusiena Herriko Antzokian 2013an (2014-03-26)
- Herriko Antzokiko zine emanaldiak aro digitalean sartu dira (2012-01-05)
- 'Celda 211': filmarik arrakastatsuena Herriko Antzokian (2011-04-29)
- 2007an baino 1.000 zine-ikusle gutxiago Herriko Antzokian (2009-04-16)
- Domeka gaueko zine emanaldia kendu du Kultura Batzordeak (2008-02-26 elgoiBARREN.net)
- Zine ikusle kopuruak behera egiten jarraitzen du (2008-02-22 elgoiBARREN.net)
- Azken 5 urteetan erdira jaitsi da zine-ikusle kopurua Herriko Antzokian (2007-02-07 elgoibarren.net)