Eskubaloi Eguna bertan behera geratu da eguraldiagatik

elgoibarren.net 2014ko api. 29a, 14:11
Deskargatu Info Ahotsak :
Español English Français Català Galego

Sanlok maiatzaren 1erako antolatuta zuen Eskubaloi Eguna bertan behera geratuko da, eguraldi iragarpenak euria egingo duela dioela-eta. Dena dela, Aubixara antolatutako irteera mantendu dutela jakinarazi dute eskubaloi elkarteko arduradunek. Bestalde, lehiari dagokionez, Astigarraga jubenil nesken taldeak hirugarren postua eskuratu zuen joan den asteburuan Granollersen jokatu zuten Espainiako Txapelketan.


1706636826926 Eskubaloi Eguna bertan behera geratu da eguraldiagatik

Benjamin eta alebin mailako neska-mutilentzat antolatutako Eskubaloi Eguna bertan behera geratu dela jakinarazi du Sanlok. "Iragarpenak dio euria egiteko aukera handiak daudela ostegunerako, eta ordura arte zerura begira egotea baino bertan behera lagatzea hobe zela erabaki dugu, pena handiz izan bada ere. Barkatu eragozpenak". Izan ere, Kalegoen plazan ospatu behar zuten Eskubaloi Eguna.
•Aubixara irteera bai
 Denadela, ez dira bertan geratu antolatutazituzten ekintza guztiak, Aubixara egin beharreko irteera manyendu egin dute-eta. Hala, lotara Aubixara joateko aukera izango dute (plazak bete arte; sei geratzen dira) eskubaloi zale gaztetxoek. Udaletxeko arkupeetan elkartuko dira 15:45ean eta 16:00etan abiatuko da autobusa Aubixaruntz. Interesatuek 25 euro sartu beharko dituzte Kutxabanken kontu korronte honetan, apirilaren 30erako: ES57 2095 5036 51 1064353542. Antolatzaileek jakinarazi dute, baina, Aubixara joaten direnak han bertan jaso beharko direla hurrengo egunean (16:30), ez baitute itzulerarako autobus zerbitzurik izango. Interesatuek Sanloren webgunean eman dezakete izena, taldeka: www.sanlo.net. Era berean, harremanetan jartzeko idatzi sanlolatxo[abildua]gmail.com helbidera edo taldeak sare sozialetan (facebook/twiter) dituen profiletara.

•Astigarragak hirugarren postua lortu du Espainiako Txapelketan

Zaleek eta jokalariek giro onean pasa dute asteburua Granollersen.

Euskadiko Txapelketan hirugarren eginda, Espainiako Txapelketarako sailkatu zen Sanloko C. Astigarraga GYS Sport jubenil nesken taldea eta joan den asteburuan jokatu zuten Espainiako Txapelketa Granollersen. 32 talde lehiatu dira joan den asteburuan, zortzi multzotan, eta elgoibartarrek BM Granollers, Kanarietako Kia Arimotor Teide eta Aragoiko BM Maristas taldeen kontra neurtu dituzte indarrak Kataluniako lurretan.
 Partida bat irabazi (BM Maristasen aurka) eta bi galdu dituzte elgoibartarrek eta hirugarren postuan amaitu dute txapelketa. Sanloren webgunean aurkituko duzue informazio osoagoa, tartean jokalari elgoibartarrek txapelketa agurtzeko abestu zuten bertso-kantua.
 
 
 
Kirola Elgoibar