EH Bildu: "Udal Gobernuak ez du bete 2013ko aurrekontuei babesa emateko hitzartu genuen akordioa"

elgoibarren.net 2014ko mai. 2a, 10:06
Deskargatu Info Ahotsak :

2013ko Elgoibarko Udal aurrekontuak onartzeko lortu zuten akordioa ez duela bete leporatu dio EH Bilduk Elgoibarko Udal gobernuari. "EAJk eta PSE-EEk ez dute inolaz ere bete lortu genuen akordioa. Aurkeztu genituen eta onartu zituzten emendakinak ez dituzte behar bezala garatu", salatu du koalizioak.

 
 Aurrekontuak herritarrekin batera lantzen jardun ostean, 2013ko udal aurrekontuei emendakin dezente aurkeztu zizkietela gogora ekarri du Elgoibarko EH Bilduk. "Udal Gobernuak emendakin haietako asko onartzea erabaki zuen aurrekontuak babesten bagenituen, eta herritarrekin egin genuen lan guztia baloratua izan zela ikusirik, gure babesa eman genien aurrekontu haiei", azaldu dute.
Alabaina, ez daude gustura emendakinek egin duten bidearekin eta Udal Gobernuaren jarrera salatu dute. "Gure baietza lortu ondoren ez dute inongo erreparorik izan emandako hitza ez betetzeko". Adierazi dutenez, 2013an bertan behin baino gehiagotan salatu zuten emendakinen betetze maila eskasa. "2013ko uztaileko udalbatzarrean EAJko bozeramaileak emandako  erantzuna jaso genuen, balorazio bat egitekotan, aurrekontuaren exekuzioaren balorazio oso bat egin beharko litzatekeela, alegia. Une hori ailegatu da, eskuartean daukagu-eta 2013ko ekitaldiari dagokion aurrekontuaren likidazioa". Datu horiek negargarritzat jo ditu EH Bilduk. "Gure emendakin batzuek egin dute bidea, baina gehienetan bidean geratu edo erabat desitxuratu dira".

1706636824255 EH Bildu: "Udal Gobernuak ez du bete 2013ko aurrekontuei babesa emateko hitzartu genue

EH Bilduko arduradunen esanetan, argazki argigarriena emendakinetarako adostutako diru partiden erabilpenak ematen du (ondoko irudian). Udalak 2013rako aurreikusita zituen diruen %91a gastatzea lortu du, baina emendakinen kasuan heren bat bakarrik gastatu dute. Egoera hori errepikatzen da kapitulu eta sail guztietan".

 

 

Udala Elgoibar