Elkarteko bazkideen batzar orokorra egingo du Elgoibarko Izarrak eguaztenean

elgoibarren.net 2014ko mai. 6a, 10:45
Deskargatu Info Ahotsak :

 
Urtarrilean egindako Bazkideen Batzar Orokorrean erabaki zen moduan, Elgoibarko Izarrak berriz ere deituko ditu bere bazkideak orduan erabaki, onartu edo aurkeztu gabe geratu ziren gaiak lotzeko. Maiatzaren 7an, eguaztenean, izango da batzarra, 19:00etan hasita, Kultur Etxeko hitzaldi gelan.


 Besteak beste, 2014-2016 urteetarako Plan Estrategikoaren barruan antolaketa-eredua aurkeztuko dute, 2014-2016 urteetarako Zuzendaritza Batzordearen proposamena egingo dute eta 2013ko memoria ekonomikoa aurkeztuko dute. Elgoibarko Izarrako Zuzendaritza Batzordeak elkarteko bazkide guztiak animatu nahi ditu batzarrera azaldu eta bertan parte hartzera.
 
 
 
 
Euskara Elgoibar