Inazio Bereziartua Musika eta Dantza eskolak hainbat ekintza antolatu ditu gerturatzen ari den ikasturtearen amaierara begira. Hasteko, txistua ezagutarazteko asmoz, Txistularien Alardea antolatu dute zapaturako. Eibar, Ermua, Deba, Mendaro, Azpeitia, Aretxabaleta, Arrasate, Oñati, Barakaldo, Gasteiz eta Elgoibarko 55 bat txistularik parte hartuko dute alardean. 12:15ean irtengo dira kalejiran, eta herriko kaleak gurutzatu ostean, kontzertua eskainiko dute San Bartolome parrokian. Lau abesbatzek parte hartuko dute kontzertuan: Soraluzeko Ezoziko Ama, Azkoitiko Iraurgi, Aretxabaleta abesbatza eta Elgoibarko Parrokiko abesbatzak. Era berean, Haritz dantza taldeko dantzariek ere parte hartuko dute, eta baita metal boskoteak eta Marimba taldeak ere. Guztira ia 200 lagunek parte hartuko dute Joseba Garmendiak zuzenduko duen kontzertuan.
|
|
•Matrikulazio epea maiatzaren 19an zabalduko dute
2014-2015 ikasturterako matrikulazio epea maiatzaren 19an irekiko dela jakinarazi du Inazio Bereziartua musika eskolak. Musika eskolan dauden ikasleek maiatzaren 19tik 6ra izango dute matrikulatzeko aukera. Ikasle berriek, aldiz, ekainaren 2tik 20ra bitartean. (informazio osoagoa hemen: Matrikulazioa – PDF)
- Inazio Bereziartua musika eskolako kurtso bukaerako kontzertuak eta ekintzak - PDF
BIDEOA: 2013ko Txistularien Alardea
∞Lotura duten albisteak:
- Txistularien alardeak 200 musikari inguru batu zituen San Bartolome parrokian (2013-05-20)
- Garikoitz Mendizabal txistulariaren kontzertua eta txistularien alardea, asteburuan (2013-05-14)
- Txistuaren aldarripakena (2011-05-30)