Cafeteria King-Kong eta Levante taldeek partida bakarrera jokatu zuten final-zortzirenetako sailkapena. Etxean jokatzea elgoibartarren aldeko abantaila izan zitekeela pentsa zitekeen arren, jokoan ez zen horrelakorik ikusi eta valentziarrek ez zuten elgoibartarren gupidarik eduki. Kalitate handiko taldea ekarri zuen Levantek eta gaur gaurkoz Euskadiko txapelduna baino gehiago direla erakutsi zuten. Bata bestearen atzetik etorri ziren golak eta etxekoen atezainak, Eduk, hamar bider atera behar izan zuen baloia sareetatik. Eta hala eta guztiz ere, Edu bera izan zen etxekoen jokalaririk onenetarikoa.
Espainiako txapelketan uste zuten maila eman ez arren, denboraldi aparta egin du Kafeteria King Kong jubenil mailako taldeak, Gipuzkoako eta Euskadiko txapelketak irabazi baititu.
∞Lotura duten albisteak:
- Cafeteria King Kong vs Levante, Espainiako txapelketako kanporaketa Olaizaga kiroldegian (2014-05-15)
- Cafeteria King-Kong areto futbol taldea Euskadiko Txapeldun (2014-05-05)
- Euskadiko areto futbol txapelketa jokatuko dute domekan Olaizaga kiroldegian (2014-05-02)
- Concepto Egile areto futbol taldeak liga irabazteko aukera du oraindik (2014-04-25)