Izaera lehiakorrik gabeko egitasmoa da Elgoibar Bi Erroberetan. Distantzia laburretan bizikleta erabiltzeko ohitura sustatu nahian antolatu zuten estreinakoz orain dela hamar urte. Aurten, hamargarren edizioan, 250 ume eta heldu batu ziren Kalegoen plazan, Sallobentera bizikleta irteera egiteko asmoarekin. Ibilbideko aldapetan, Ibarrenea parean eta Amabirjinaren aldapan, izerdi dezente bota behar izan zuten parte hartzaileek, bero egiten zuen-eta. Sallobenteraino ur botilak erdi hustuta ailegatu ziren gehienak.
•Jata erlearen laguntza
Aldapei aurre egiteko, baina, animorik ez zuten faltan igarri, 2015ean Elgoibarren ospatuko den Euskal Eskola Publikoaren jaiko maskotak, Jata erleak, txirrindulariak hauspotu zituen-eta antolatzaileen furgonetatik. Sallobenten atseden txiki bat hartu ostean, berriz jaitsi ziren denak Kalegoen plazaraino, eta mokadua janez berreskuratu zituzten indarrak han; txorixo egosia eta freskagarriak.
Azken urteetan ohi duten legez, etxeko txikienentzako proba bat ere prestatu zuten Kalamua guraso elkartekoek. Molto motoetan, trizikloetan eta bizikleta txikietan bi itzuli eman zituzten erdiguneko kaleetan barrena.
•Jata erlearen laguntza
Aldapei aurre egiteko, baina, animorik ez zuten faltan igarri, 2015ean Elgoibarren ospatuko den Euskal Eskola Publikoaren jaiko maskotak, Jata erleak, txirrindulariak hauspotu zituen-eta antolatzaileen furgonetatik. Sallobenten atseden txiki bat hartu ostean, berriz jaitsi ziren denak Kalegoen plazaraino, eta mokadua janez berreskuratu zituzten indarrak han; txorixo egosia eta freskagarriak.
Azken urteetan ohi duten legez, etxeko txikienentzako proba bat ere prestatu zuten Kalamua guraso elkartekoek. Molto motoetan, trizikloetan eta bizikleta txikietan bi itzuli eman zituzten erdiguneko kaleetan barrena.
•ARGAZKIAK: