Egur Arte Tailerrak antolatuta Elgoibarko III. Kaleko Margo Lehiaketa egin zuten joan den domekan, Trinitate jaien barruan. Elgoibarko txoko bat aukeratu eta margolan bat osatu behar zuten artistek, eta lan horretan aritu ziren goiz guztian. Hamahiru lagunek hartu zuten parte lehiaketan eta epaimahaikideen iritziz, Jesus Mari Saez de Vicuña gasteiztarrak aurkeztutako lana izan zen onena. Jon Idigoras ermuarrak jaso zuen bigarren saria eta Mendarora joan zen hirugarrena, Jaime Zamakolak aurkeztutako margolanak jaso zuen-eta hirugarren saria. Zamakolak lehen postua lortu zuen orain bi urte, lehiaketaren estreinako edizioan.
Margolan guztiak Kultur Etxeko sotoan daude ikusgai, eta bertan egongo dira datorren domekara arte, ekainaren 22ra arte, hain justu ere. Astelehenetik barixakura 18:30etik 20:30era bisitatu daiteke erakusketa eta 12:00etatik 14:00etara zapatuan eta igandean.
|
|
|
|
