Bizikleta martxa egiteko ideia izan ostean Hodei Bila elkartearekin eta Hodei Egiluzen gurasoekin harremanetan jarri zirela azaldu du Alberto Agirreazaldegik. “Ondo hartu zuten gure ekimena eta bizikleta martxa antolatzeari ekin genion", azaldu du. Ahal duten neurrian familiari laguntzea da euren asmoa, semea desagertu zitzaienetik nahikoa "desgrazia" dutela-eta.
Egiluz 2013ko apirilean joan zen Anberesera, bertako Createlli enpresan lan praktikak egiteko. Ekainean, lan kontratu bat eskaini zioten. Urriaren 19an ikusi zuten azken aldiz, hiriaren iparraldean. Egiluz desagertu eta gutxira, Galdakaoko Hodei Bila elkarteak ekimen ugari antolatu ditu gaztea aurkitzeko ikerketa bertan behera gelditu ez dadin.
•Ibilbide laua eta erraza
Uztailaren 30a baino lehen eman beharko da izena ekimenean parte hartzeko, eta txirrindulariek euren kabuz gerturatu beharko dute Bruselaraino. Taldearekin bat egin eta itzulia eman ostean, etxerako bidea ere nahi duten garraiobidean egingo dute.
- Izena emateko idatzi hodeibila@gmail.com e-postara. Hodei Egiluzi buruzko edota martxari buruzko informazio gehiago nahi duenak hona jo dezake: hodei-missing.com
•Bizikleta martxaren kontakizuna
Alberto Agirreazaldegiren Ibiltarixanak blogean aurkituko duzue informazio osoagoa. Belgika eta Holandan barrena egingo duten bizikleta martxaren nondik norakoen berri idazteko asmoa dauka blogean.
Alberto Agirreazaldegiren Ibiltarixanak blogean aurkituko duzue informazio osoagoa. Belgika eta Holandan barrena egingo duten bizikleta martxaren nondik norakoen berri idazteko asmoa dauka blogean.