Cereisaleuko kilometro bertikala jokatu zen zapatuan, uztailaren 26an, Palacios de Silen (Gaztela Leon, Espainia). Kilometro bertikalen Koparako proba puntuagarria izateaz gainera, Espainiako txapelketa zen. Parte hartzaileek 950 metro igo behar zituzten 3,9 kilometroko ibilbidean. Emakumezkoen proban Vanessa Ortega izan zen azkarrena, 46:27 denborarekin. Irabazlearengandik hamar segundora ailegatu zen helmugara Maite Maiora eta Azara Garcia de los Salmones sailkatu zen hirugarren postuan (48:10). Sasoi betean dago Maiora, joan den astean hirugarren postua lortu zuen eta Italian, Canazeiko 22 kilometroko proban (
informazio osoagoa).
•Larizek ezin tituluari eutsi
Iaz Alacanten lortu zuen titulua errepikatzeko asmoz joan zen Iñigo Lariz Leonera, baina gauzak ez zitzaizkion berak nahi bezala irten. “Lasterketa txarra” egin zuela onartu du korrikalari elgoibartarrak, eta ondorioz, lehen postuetatik urrun ibili zen. 11. postuan sailkatu zen Lariz, irabazlearengandik lau minutu eta 38 segundora. Saul Antonio Padua kolonbiarrak irabazi zuen proba (36:33). Espainiako txapelketari dagokionez, Kataluniako selekzioa ordezkatu zuen Jessed Hernandez izan zen irabazlea (37:35). (
sailkapen osoa)
