Munduan energiarena da gizateriak daukan arazo garrantzitsuenetakoa eta hain justu ere, arazo horren gordinaz ohartaraziko du Alain Ulazia Eibarko unibertsitate eskolako Energia Berriztagarrien Graduko irakasleak Aurreneko hitzaldian. Munduan zehar energia lokal garbia baliatzeko egin diren hainbat asmakizunen berri ere emango du Ulaziak.
Bestetik, Pablo Rodriguez eibartarrak Mendaroko Plaza auzoan energia minihidraulikoa baliatzeko egindako proiektua aurkeztuko du. Energia berriztagarrien inguruko bi hitzaldiak Mendaroko udaletxean izango dira, 20:00etatik aurrera.