5-12 urte bitarteko neska-mutilei (HH5-LH6 ) eskainitako zerbitzu sozio-hezitzailea da Ludoteka, non, esku-hartze kolektiboko eta pertsonalizatutako proiektuak oinarri hartuta, haurrei zuzenduriko jarduera ludikoak erabiltzen dituen. Elgoibarko Ludoteka astelehenetik barixakura egoten da zabalik, 16:30etik 19:30era. Ikasturteko kuota 45 eurokoa da. Familia ugarientzat eta bigarren seme-alaba dutenentzat %30eko deskontua dago, eta Ongizate Saileko programatako erabiltzaileek %70eko deskontua izango dute. Informazio gehiagorako 943 748 883 telefono zenbakira deitu daiteke.
•Ludoteka lekueder parkean
•Gurasoekin bilera eta urrirako ekintzak
Urriaren 15ean, berriz, Gurasoekin bilera egingo dute Ludotekako arduradunek, ludotekako funtzionamendua ezagutarazteko.
Urriaren 17an, berriz, Ludo, Ludotekako maskotari, egingo dioten agur festan parte hartzeko aukera izango dute ludotekako bazkideek.
Urrirako ekintza gehiago ere antolatu dituzte. Hala, urriaren 22an landareak ezagutzeko irteera prestatu dute, eta urriaren 31rako, azkenik, ekintza sorpresa bat iragarri dute. Bazkideek proposatzen dituzten jarduera guztien artean bat aukeratu eta huraxe egingo dute.