Zapatuan erabili zuenaren antzeko burdin-zatia -104 kilokoa hura- Eibarko tren geltokitik Urko mendiaren tontorreraino igo zuen Iñaxio Arregi "Etxearreta" loiolarrak 2002an egin zuen apustuan. Handik bost urtera beste indar erakustaldi bat eskaini zuen, 78 kiloko burni-zatia Loiolatik Xoxoteraino sorbalda gainean igoz. Hiru ordu eta erdian osatu zuen sei kilometroko ibilbidea.
Aurrekari horiekin, lauan aise mugituko zuela burni-zatia pentsa zitekeen, eta halaxe erakutsi zuen Arregik zapatuan, Kalebarren plazako probalekuan jokatu zuten desafioan. Hogei minutuan 62 plaza egin zituen, hau da, kilometroa eta laurden, gutxigorabehera, 80 kiloko gainkargarekin. Arregiren markak ezerezean laga zituen Mendaroko giza-proba taldeko sei kideen ahaleginak. Mendaroarrek azpeitiarrak baino bost plaza gutxiagoan eraman zuten arrastan 500 kiloko harria.
ARGAZKIAK:
|
|
|
|
