Talo tailerra eta dastaketa egingo dute azken zapatuko ferian

elgoibarren.net 2014ko urr. 24a, 14:09
Deskargatu Info Ahotsak :

 
Hilero bezala, azken zapatuko feria antolatu dute biharko Elgoibarko Udalak eta Debemenek. 9:00etatik aurrera Elgoibarko baserrietako produktuak jarriko dituzte salgai Kalebarren plazan, eta 11:00etatik aurrera bertako baserrietako produktuekin prestatutako pintxoak salduko dituzte Lagun Taldea txirrindulari elkarteko kideek. Eguerditik aurrera gainera, taloak egiten ikasteko eta dastatzeko aukera izango dute txikienek talo tailerrean.

 

 

 Hileko azken zapatuko feriak eta Elgoibarko artisau eta eskulan azokak bat egingo dute bihar, urriak 25, Elgoibarren.  Hona hemen feria egunerako egitaraua:

  • 9:00-14:00: Baserriko produktuen salmenta Kalebarren plazan.
  • 11:00etatik aurrera, Elgoibarko Lagun Taldea txirrindulari pintxoak salduko ditu Kalebarren plazan.
  • 12:00etan, Kale Kantariak. Elgoibarko kaleak girotuko dituzte, Kalebarren plazatik hasita.
  • 12:00-14:00, Talo tailerra txikienentzat.
  • Eguerdian hasi eta arratsaldera arte, Ganadu erakusketa, Aita Agirre plazan.

Ekonomia Elgoibar