Hauteskunde-mahaiak osatzeko ezhoiko udalbatzarra egin dute gaur Elgoibarko udaletxeko pleno aretoan. Ordenagailu baten programak aukeratu ditu maiatzaren 24an egingo diren hauteskunde-mahaietan egon beharko duten presidente, bokal, eta horien ordezkoak. 17 presidente izango dira guztira.
- Hona hemen zozketako emaitzak - PDF
Presidenteak, mahaiko beste kideak eta ordezkoak derrigorrez egon behar dute hauteslekuan, horrela ez bada, eta justifikaziorik egon ezean, kartzela-zigorra edo isuna ordaindu beharko dute. Udalak izendapena jakinaraziko die interesdunei, bai eta mahai bakoitzerako ordezkoei ere, maiatzaren 2a baino lehenago. Jakinarazpenarekin bat, jarraibide-eskuliburu bat emango zaie.
Mahaiko presidenteak eta bokal bakoitzak 62,61 € jasoko dituzte, inolako zerga-atxikipenik gabe.
- Informazio osoagoa: www.euskadi.net
