Elgoibarko Udal Musika Bandak eskainiko du Txikimusika egitasmoko estraineko musika emanaldia domeka honetan, maiatzaren 10ean. Musika Bandak haurrentzako kontzertu berezia eskainiko du 12:30ean Herriko Antzokian. Musika tresnak erakutsi eta pieza ezberdinak joko dituzte musika banda etxeko txikienei gerturatzeko asmoz.
• Kontzertuak domekero
Maiatzaren 17an Mursego musika talde eibartarrak kontzertua eskainiko du. Kultur Etxeko sotoan izango da, 17:00etan. Astebete geroago, maiatzaren 24an, Belceblues musika taldeak bluesaren jatorria azalduko die gazteei. Musika eskolan izango da kontzertua, 17:00etan hasita. Hilaren 31n izango da azken saioa. Munlet taldearen txanda izango da. Mendaroko bikoteak ere Kultur Etxeko sotoan eskainiko du rocka eta musika elektronikoa nagusi izango diren kontzertua (17:00).
- Informazio osoagoa: euskaleskolapublikoarenjaia.eus
